有啲野講 | 2022年12月14日 《告別送禮勤!》3個超firm聖誕送禮提案 附購買連結

 

就嚟聖誕節,相信大家都開始準備緊(aka煩惱緊),為你嘅挚愛送上一份有溫度有重量嘅祝福。無論你喺送禮方面係經驗十足,定係新手初哥,揀禮物從來都唔係咁易架,葉師傅!但唔洗擔心,因為本地其實有好多有心有實力嘅小品牌,加埋我哋嘅送禮tips,包你搵到Firm爆本土文創好物過聖誕,咁就唔洗再做「送禮勤」啦!


第一:投其所好  

送禮第一大嘅弊病就係「我鍾意」。要記住你鍾意唔代表佢鍾意,你覺得靚可能佢覺得醜架!所以由呢一刻起,你就要開始好好觀察,究竟你對象嘅喜好係咩呢?大至日常需要,小至衣著品味,總有一啲嘢你係可以好好留心,就會好快有送禮嘅靈感架喇!不過,就算你真係冇空間、冇時間去細心預備,唔緊要!揀番一啲襟興嘅時尚單品做禮物,就實冇死!


Pantone 2022流行色彩Very Peri「長春花藍」仍然係今季嘅大熱襯色! @ JMCraft 特別設計嘅小水滴耳環,利用咗日本Olympus蕾絲冷,鉤織出充滿浪漫感嘅漸變丁香紫色修長款耳環,垂吊嘅效果配搭棉花珍珠,打造高貴優雅感。呢款清麗嘅耳環最適合可愛溫柔嘅女仔,可以日常使用之外,亦都好適合宴會場合打扮!靚靚聖誕造型再加分!

小水滴 珍珠鈎織小花耳環


綠色生活近年已經成為一種時尚趨勢,唔單至應用喺日常生活,甚至衣著服飾都追求實踐環保美學!以綠色時尚活出有態度嘅生活,呢款由環保飾物品牌 @派膠花園 所設計嘅兩用飾物 「『再生』膠製花」就係不二之選。細膩嘅花蕊花冠呈現別樹一格嘅藝術氣質,材質相當閃爍亮麗,實在令人疑問邊一部分係廢棄物料再造呢?原來設計師利用回收嘅食物包裝同埋氦氣球(竟然?!),切割成花嘅形態,就算係近距離觀察都未必能夠發現係環保素材,令人驚艷!呢件一物兩用嘅飾品,除咗可以做耳環,更加可以當成心口針,有型又好襯!送完仲可以製造話題,係咪好叻叻呢!

 

「再生」膠製花花

 

另外,儀式感都係揀禮物嘅重要元素,有節日氣氛嘅禮物一定會加分!@Windand Sand嘅小雛菊Coffee Capsule再造耳環,金屬飾面低調而優雅,喜歡簡約衣著嘅可以用耳環作點綴,比較隆重嘅場合亦都可以配襯得非常有格調。全人手製作嘅Coffee Capsule耳環,可以戴出意義同品味,無論係走知性美定係行型格風,都會鍾意呢款獨特嘅手工飾物!

 

小雛菊 coffee capsule再造耳環

 

第二:溫暖「字」癒

正所謂物輕情義重,送禮最緊要係俾收到嘅人感受到暖暖嘅心意!可能你講嘢唔叻,揀禮物嘅眼光又唔精,但只要有真誠嘅心,即使只係純粹咁送上祝福同感謝嘅文字,已經好有力量。溫度滿滿嘅手寫字,唔單至保存得耐,一筆一劃嘅呢份心意更令人感動深刻。


@小薯角 擅長用插畫配合字句,組成一張又一張鼓勵人心嘅卡片。雖然唔係一般嘅聖誕卡,但佢設計嘅心意卡係非常有共鳴感,令人會心微笑嘅字句絕對比一句Merry Christmas 更窩心。

 

小薯角 - Still here

 

 

小薯角 -小薯的心

 

 

小薯角扣針 - You Can Do It!  

 


憑畫寄意唔一定要紙品, Alohawasa 陶瓷吸水杯墊畢竟有好多人都會覺得一份禮物要有重量至有希望(笑)。@Alohawasa 以可愛嘅插畫風格,加上暖心嘅打氣句子,創作出一系列陶瓷吸水杯墊! 豐富嘅色彩,童趣嘅元素,輕輕鬆鬆嘅感覺畀人有好多正能量輕輕鬆鬆為大家打打氣💪🏻!呢個系列仲有其他唔同款式同字句,總有一款適合送畀你嘅挚愛仲唔上盒嘢網站睇下,等佢飲水都諗起你,更加啱晒追求實用嘅朋友仔!

[圖] Alohawasa 陶瓷吸水杯墊

 

收到心意卡好多時都會收埋入櫃,當刻嘅感動往往要等幾年甚至十幾年先可以重溫。如果想自己送嘅卡可以畀對方時刻回味,咁一定要將佢upgrade 成為靚靚擺設,就可以日日都望住啦!推崇永續生活嘅 @生活小品,用回收玻璃做成可愛小樹,配上櫸木卡片座,用嚟放相、心意卡就啱曬喇!無論擺喺公司定係屋企,會喺一個好吸睛嘅小裝飾,為小角落增添溫暖。

 


玻璃 小樹 櫸木卡片座

 

第三:化身神燈 

想搵一份禮物可以滿足到佢十個願望?禮品卡就可以! 

而家有好多平台都會推出電子禮品卡,科技、美妝、時裝、美食、擺設等等相關嘅都應有盡有。一般會有唔同面值,畀大家按Budget或者按對象選購。一張禮品卡可以換嚟一個shopping嘅享受,只要大家揀番啱送禮對象適合嘅類別,收到嘅人一定會加倍開心。 

盒嘢亦趁今年聖誕,推出全新電子禮品卡,最啱送畀鍾意買文創手作嘅朋友仔,實用得嚟又唔會俗套。盒嘢電子禮品卡係以扣數嘅形式使用,一次訂單買唔晒面值嘅金額唔緊要,餘額可以留番下次洗,超級方便!禮品卡圖像上亦都有充滿玩味嘅祝福字句,呢份禮物睇落簡單但其實充滿心思!

購買禮品卡後,只要將個訂單Email轉寄畀送禮對象,佢就可以喺「Hubyeah 盒嘢」網站購物時用禮品卡付款,仲要冇限期添! 

上面嘅送禮提案,總有一款適合你!祝福各位透過唔同嘅禮品,可以送出或者感受到愛,過一個溫暖浪漫快樂嘅聖誕節!買滿$300即免運費!


盒嘢 Hubyeah |電子禮品卡