有啲野講 | 2022年10月7日 精選秋冬本土好物 提升愜意生活感
今個秋冬，終於可以重新出走喇！yoho~~ 呢種「有得揀」嘅感覺，係非筆墨可以形容。但無論你揀留低定飛走，最緊要係知道點樣好好生活（唔係好好生存lol）。盒嘢HubYeah今季為你精選一系列本土文創好物，畀你盡情享受天高氣爽嘅愜意生活感。
出遊文青LOOK
呢個季節，係香港難得嘅舒服天氣，唔會大汗疊細汗整衰個造型，梗係要花extra心思扮靚出街啦！
由鉤織飾物品牌 織物工作室 JMCraft 設計嘅招牌產品「Trio迷你鈎織小花耳釘」，感覺軟棉棉，超有FEEL！特別當你冇咩諗法點襯衫，呢個獨特簡約嘅設計方便搭配唔同造型，出門前真係少好多煩惱。盒嘢HubYeah推介兩款顏色，無論你係大地色系女生，定係鍾意帥氣冷酷風嘅穿搭，呢對耳環絕對係今季必備！
秋風送爽，一定唔少得去郊遊，而戶外踏青嘅造型更加要花花心思！波希米亞風嘅耳環，絕對可以幫你提升甜美感。
The Dreamcatcher 捕夢者 擅長製作小巧細膩嘅手工捕夢網，主理人特別應用喺耳環設計上，仲加入流蘇元素，微風輕輕吹過就會帶出唯美飄逸感。垂吊嘅耳鈎款以及迷你可愛嘅耳釘款，都一樣咁Girlfriendable！
野餐儀式感 打卡必備
三五知己一齊野餐，最緊要梗係打卡啦！有美景、美人、美食，點可以冇美美嘅打卡道具呢？PrettyPrints 獨家設計嘅印花布袋，北歐風格圖案超吸睛，影相打卡一定搶晒鏡！袋子空間非常實用，袋形亦非常適合放置日式餐盒、小水樽、包裝食物等等。採用輕身嘅布料減輕負擔，同時容易清洗。蔚藍色調嘅飛鳥及花瓣印花圖案，映襯綠油油嘅青草地，Perfect match！
正所謂「一個人原來都可以盡興」，喺草地上舖張墊坐低享受下新鮮空氣，絕對唔係外向者嘅專利。內向嘅你簡簡單單，喜歡揹住布袋，帶一份三文治、一本書、一個咖啡隨行杯，都可以Chill一個下晏。由Lineability設計嘅呢款布袋，質料厚實，又表達出內向人嘅狀態，唔知你有冇興趣揹住佢去Chill呢？
Checking My Introvert Scale Tote Bag
少少點綴，已經輕鬆搞掂個Vibe！素雅嘅上衣又或者簡約嘅針織外套，絕對係秋冬文青造型嘅必備單品。但去到郊外想融入多少少大自然元素？野餐氣氛又想提升玩味？一個可愛感滿滿嘅仙人掌鉤織心口針就幫到你！扣上衣飾、布袋，3秒改變造型；放喺野餐墊、小木碟上打卡，又即刻增加儀式感！由Jacnat親手鉤織嘅脹卜卜仙人掌心口針有3個款式，如果揀唔到，一律建議買晒番屋企。
宅在家 享微風
放空發呆，係秋意濃濃嘅重點活動。留家做手作，從忙碌嘅工作中抽離一下，已能營造一種實在嘅幸福。生活小品係推廣環保減廢嘅設計品牌，崇尚自然嘅產品，就更有生活感。利用回收玻璃樽切割出製作材料，畀你休閒DIY自己專屬嘅風鈴。通透嘅玻璃，隨住微風發出叮叮響聲，放喺屋企，或者能夠慢慢「叮」走心中嘅鬱悶。
對自己手藝冇信心唔想DIY？精緻嘅捕夢網掛飾就啱晒你！The Dreamcatcher 捕夢者 設計嘅兩款捕夢網各有特色，第一款旋渦形捕夢網以螺旋織法編織而成，形狀有別於一般設計，出嚟嘅感覺好有動感，就好似可以捲晒所有好夢入嚟咁。
如果你想更有情調，月亮形嘅捕夢網配合串串燈，仲可以成為房間嘅小夜燈。兩款掛飾嘅底部都以羽毛襯托，散發出輕柔寧靜感，喺秋冬嘅夜晚一定可以發個美夢。
